ගුරුදේව යන අභිධානයට ලක් වන රබීන්ද්‍රනාත් තාගෝර් සකල කලා විෂයෙහි මහති ප‍්‍රතිභාවක් ලොවට ගෙන හැර පෑ අසමාන ලේඛකයෙකි. ඔහුගේ අපූරු නිර්මාණ කුසලතා දැක්වෙන මෙම කතා අතුරින් බහුතරයක් මෙතෙක් සිංහල බසින් පළ වී නැත. වෙනත් අයුරකින් කියනවා නම්, තාගෝර්ගේ අපූරු කතා සරණියක් සිංහල පාඨකයා හමුවට ප‍්‍රථම වතාවට පැමිණෙන්නේ මෙමඟින් වන්නට පුළුවන.
විචාරකයින්ගේ ඇගැයුමට ලක් වූ, ඉංගී‍්‍රසියට කිහිප වරක් පරිවර්තනය වූ කතා අතුරින් විස්සක් පමණ මෙහි අන්තර්ගත වේ. මෙම කතාවලින් සමහරක් විලියම් රැුඩිස්ගේ පෙන්ගුවින් පරිවර්තනයට එක් වී ඇත.
මෙම කෘතිය සාහිත්‍ය හදාරන ශිෂ්‍ය ශිෂ්‍යාවන්ට මෙන්ම, නිර්මාණකරණයට පිවිසෙන්නට අපේක්ෂාවෙන් සිටින ආධුනිකයන්ට මෙන්ම ප‍්‍රවීණ ලේඛකයින්ටද කදිම පූර්වාදර්ශ සපයන අත් පොතක් බඳු ය.